बिहार । बिहारको बालवा, तेलवा र बसबिट्टी क्षेत्रमा आएको भीषण बाढीका कारण प्रभावित भएका स्थानीय बासिन्दाहरूलाई नौसैनिकहरू र विपद् मित्रहरूको सहयोगमा सुरक्षापूर्वक उद्धार गरेको छ । कोशी नदीको बाढी बस्तीमा पसेको हो ।

बिहार सरकार अन्तर्गतको विपद् व्यवस्थापन विभाग र सूचना तथा जनसम्पर्क विभागको समन्वयमा उद्धार कार्य तीव्र रूपमा अगाडि बढाइएको छ। उद्धार टोलीले डुंगा तथा अन्य सुरक्षित साधनमार्फत बाढीबाट घेरिएका नागरिकहरूलाई सुरक्षित स्थानमा सार्ने काम गरिरहेको छ।

बिज्ञापन

सरकारले स्थानीय बासिन्दाहरूलाई शान्त रहन र सरकारी निर्देशनको पालना गर्न आग्रह गरेको छ। साथै, अस्थायी शिविरहरूमा राहत सामग्री र स्वास्थ्य सेवाको व्यवस्था पनि गरिएको छ।

सरकारी निकायहरूले विपद् व्यवस्थापनका सबै उपायहरूलाई प्रभावकारी रूपमा कार्यान्वयन गरिरहेको जनाएका छन्।

×

❮

❯