काठमाडौं । सरकारले नेपाल विद्युत् प्राधिकरण कार्यकारी निर्देशकमा मनोज सिलवाललाई नियुक्त गर्ने निर्णय गरेको छ।

मन्त्रिपरिषद्को निर्णय अनुसार, हालका कार्यकारी निर्देशक हितेन्द्रदेव शाक्यलाई जल तथा ऊर्जा आयोगमा सरुवा गरिएको छ भने प्राधिकरणका पूर्व उपकार्यकारी निर्देशक मनोज सिलवाललाई कार्यकारी निर्देशकमा नियुक्त गरिएको हो।

गत चैत ११ गते, तत्कालीन मन्त्रिपरिषद्ले कुलमान घिसिङलाई कार्यकारी निर्देशकको पदबाट हटाएर शाक्यलाई नियुक्त गरेको थियो। तर, त्यसको करिब पाँच महिनापछि ऊर्जा मन्त्री बनेका घिसिङले शाक्यलाई सरुवा गराई सिलवाललाई प्राधिकरणको नेतृत्वमा ल्याएका छन्।

मनोज सिलवाल विगतमा कार्यकारी निर्देशक रहँदा कुलमान घिसिङका नजिकका सहकर्मीको रूपमा चिनिएका व्यक्ति हुन्।

×

❮

❯