विराटनगर ।  मोरङ जिल्ला प्रशासनले आज साँझदेखि विराटनगरसहित सम्पूर्ण जिल्लाभर कर्फ्यू आदेश लागू गरेको छ।

आदेशपछि नेपाली सेना तथा अन्य सुरक्षा निकायका सुरक्षाकर्मीहरू विभिन्न स्थानमा खटिएर बाहिर रहेका सर्वसाधारणलाई घर फर्कन आग्रह गरिरहेका छन्।

बिज्ञापन

आजबाट सेनाले थप कडाइ गर्दै कर्फ्युका समयमा आउजाउ नगर्न र घरमै बस्न सूचित गरेको छ । कतिपय ठाउँमा माइकिङ गरेर जानकारी गराइएको छ ‌।

जिल्ला प्रशासन कार्यालय, मोरङले बिहानै सूचना प्रकाशित गर्दै कर्फ्यू आदेशबारे सर्वसाधारणलाई जानकारी गराएको थियो। प्रशासनका अनुसार कर्फ्यू भोलि बिहानसम्म ५ बजेसम्म कायम रहनेछ।

यसअघि दिनभर निषेधाज्ञा जारी रहे पनि केही स्थानमा सर्वसाधारणको गतिविधि देखिएपछि सुरक्षाकर्मीहरूले थप कडाइ गरेका हुन्। प्रशासनले अत्यावश्यक सेवाबाहेक सबै प्रकारका आवतजावत, भेला, सभा र जुलुसमा प्रतिबन्ध लगाएको छ।

सुरक्षालाई मध्यनजर गर्दै जारी गरिएको यो आदेश उल्लंघन गरे कानुनी कारबाही हुने चेतावनी प्रशासनले दिएको छ।

×

❮

❯