नोट: यो समाचार १ वर्ष २ महिना अघिको हो
विराटनगर । पूर्णियासम्म मात्र आउने भनेको बन्दे भारत विराटनगर सीमाको जोगबनी रेल्वे स्टेशनसम्म आउने भएको छ ।
बिहार अररियाका सांसद प्रदीपकुमार सिंहले बन्देभारत जोगबनीबाट संचालन गर्न केन्द्रीय रेल मन्त्रालयले स्वीकृति दिएको जानकारी दिएका छन् ।
उनले भने,‘‘जोगबनी नेपाल भारतको सिमा हो, अररिया जिल्लासहित धेरै यात्रुहरु यसबाट लाभान्वित हुने छन् ।’’
पूर्णियाबाट मात्र चल्ने भनिएको बन्दे भारत जोगबनी हुँदै चल्ने र अररिया तथा फारबेजगञ्ज दुई दुई मिनेट रोकिने रेल मन्त्रालयका अधिकारीहरुले जानकारी गराएको सांसद सिंहले बताए ।
बन्दे भारत स्वदेशमै निर्माण भएको द्रूत गतिको फुल एसी रेल सेवा हो । यो रेल्वे जोगबनीदेखि पटनासम्म संचालन हुने बताइएको छ ।
जोगबनीबाट नयाँ दिल्ली, कलकत्ता र दक्षिण भारतका लागि समेत रेल संचालन हुँदै आएको छ ।
