विराटनगर । रोटरी क्लब अफ विराटनगर डाउनटाउन तथा महेश्वरी महिला मञ्च विराटनगरको संयुक्त आयोजनामा “सेल्फ डिफेन्स कार्यक्रम ( आत्मरक्षा” को औपचारिक सुरुवात भएको छ ।

कार्यक्रमको पहिलो दिन ५५ छात्राहरूले सक्रिय सहभागिता जनाए। आत्मरक्षा तालिम बिमल पोखरेलको नेतृत्वमा चार सदस्यीय दक्ष प्रशिक्षक टोलीद्वारा संचालन गरिएको छ।

दिल्ली पब्लिक स्कुल, विराटनगरले यस कार्यक्रमलाई सहयोगस्वरूप आफ्नो स्थान र हल उपलब्ध गराएको छ। कार्यक्रममा इन्टरक्ट क्लब अफ विराटनगर डाउनटाउन र डिपिएस इन्टरक्ट क्लबका सदस्यहरूको समेत उल्लेखनीय सहभागिता रह्यो।

सुरक्षा सचेतना र आत्मविश्वास अभिवृद्धिको उद्देश्यले आयोजना गरिएको यो तालिम आगामी दिनहरूमा थप प्रभावकारी बन्ने अपेक्षा गरिएको जनाइएको छ ।

×

❮

❯