विराटनगर । विराटनगर महानगरपालिकाले कोरोनाविरुद्धको खोप लगाउने म्याद एक दिन थप गरेको छ । कोरोनाको नयाँ भेरियन्ट संक्रमण देखा परेपछि बुधबारबाट खोप लगाउन थालिएको हो ।

महानगरले पहिलो चरणमा ५५ वर्षमाथिका नागरिक तथा जोखिममा रहेका व्यक्तिहरू खोप लगाउन पालो दिएको छ । स्वास्थ्य महाशाखाले जनाएअनुसार हालसम्म ३०० जनाले कोरोना खोप लगाई सकेका छन् । महानगरमा पहिलो मापदण्डका ३ हजार सर्वसाधारणलाई खोप लगाउने तथ्यांक रहेको महाशाखाले जनाएको छ । आज शुक्रबार पनि खोप अभियान जारी रहने छ ।

बिज्ञापन

स्वास्थ्य महाशाखाका प्रमुख डा. दिलीप यादवले भने,‘‘हामीले फाइजर खोपको एक डोज दिँदै आएका छौं । यो विश्वमै सबैभन्दा बढी प्रभावकारी पनि मानिएको छ ।’’ पछिल्लो पटक विराटनगरका ५ जनामा नयाँ भेरियन्टको संक्रमण पुष्टि भएकोले खोप अभियान चलाउनु परेको यादवले बताए । महाशाखाले सबै १९ वटै वडामा खोप उपलब्ध गराएको र स्वास्थ्य चौकीमा गई लगाउन सकिने जनाएको छ ।

×

❮

❯