विराटनगर । मोरङको केराबारी गाउँपालिका–२ फैबास्थित जंगलमा एक महिलाको शव फेला परेको छ ।

घरबाट करिब एक किलोमिटर टाढा रहेको जंगलमा बिहीबार साँझ स्थानीयले शव देखेपछि प्रहरीलाई खबर गरेका थिए । मृत फेला पर्नेमा स्थानीय ३१–३२ वर्षीया पार्वती लिम्बू रहेकी छन् ।

विज्ञापन

जिल्ला प्रहरी कार्यालय मोरङका अनुसार लिम्बूको शव अर्धनग्न अवस्थामा फेला परेको हो । उनको कम्मरमुनिको भागमा कपडा थिएन । प्रहरीका अनुसार शवमा बाहिरी चोटपटक भने देखिएको छैन ।

स्थानीयले मृतक र उनका श्रीमान्बीच पटक–पटक विवाद तथा झगडा हुने गरेको जानकारी प्रहरीलाई दिएका छन् ।

मोरङका प्रहरी प्रमुख प्रहरी उपरीक्षक कवित कटवालका अनुसार महिलाको मृत्युको कारण खुल्न सकेको छैन । घटनाको अनुसन्धानका लागि फरेन्सिक चिकित्सकसहितको टोली घटनास्थलमा पठाइएको छ ।

घटनाबारे थप अनुसन्धान भइरहेको प्रहरीले जनाएको छ ।

×

❮

❯