विराटनगर । विराटनगरमा मोटरसाइकल दुर्घटना हुँदा महेन्द्र मोरङ आदर्श बहुमुखी क्याम्पसका स्ववियु सदस्य २४ वर्षीय अंकित पोखरेलको मृत्यु भएको छ।

बिहीबार बिहान विराटनगर महानगरपालिका–१० को भित्री सडकमा मोटरसाइकल अनियन्त्रित भएर दुर्घटना हुँदा पोखरेलको मृत्यु भएको प्रहरीले जनाएको छ।

विज्ञापन

प्रहरीका अनुसार निर्मल जलबाट जतुवातर्फ जाँदै गरेको प्रदेश १–०४–००१ प ३३७७ नम्बरको पल्सर मोटरसाइकल दुर्घटनामा परेको थियो। दुर्घटनामा टाउको र नाकमा चोट लागेका पोखरेललाई उपचारका लागि विराट नर्सिङ होम लगिएको थियो। तर, चिकित्सकले उनलाई मृत घोषणा गरेका थिए।

मृतक पोखरेल महेन्द्र मोरङ आदर्श बहुमुखी क्याम्पसको स्वतन्त्र विद्यार्थी युनियन (स्ववियु) का सदस्य रहेको जनाइएको छ।

×

❮

❯