काठमाडौं । लगातारको वर्षाका कारण मकवानपुरस्थित कुलेखानी जलविद्युत् आयोजनाको जलाशयमा पानीको सतह बढेर एक हजार पाँच सय २६ मिटर पुगेको छ ।

कुलेखानी प्रथम जलविद्युत् केन्द्रका अनुसार आइतबार बिहान ९ः२० बजे जलाशयमा पानीको सतह उक्त उचाइमा पुगेको हो ।

विज्ञापन

जलाशयको पानीको सतह एक हजार पाँच सय २७ मिटर पुगेपछि पहिलो चेतावनीस्वरूप साइरन बजाइने केन्द्रले जनाएको छ । पानीको सतह निरन्तर बढिरहेकाले सम्बन्धित क्षेत्रका बासिन्दा तथा सरोकारवालालाई उच्च सावधानी र सतर्कता अपनाउन आग्रह गरिएको छ ।

केन्द्रले जोखिमबारेको सूचना अन्य व्यक्तिसम्म पनि पुर्‍याई सबैलाई सुरक्षित राख्न सहयोग गर्न अनुरोध गरेको छ ।

×

❮

❯