काठमाडौँ । अवरुद्ध बनेको काठमाडौँ-मुग्लिन-नारायणगढ सडकखण्डको पहिरो पन्छाएपछि यातायात सेवा पूर्ण रूपमा सञ्चालनमा आएको छ। सडक विभाग र सुरक्षा निकायको टोलीले निरन्तर प्रयास गरी सडकमा जम्मा भएको लेदो र पहिरो हटाएपछि दुवैतर्फको बाटो खुलेको हो।

सडक अवरुद्ध हुँदा रोकिएका लामो तथा छोटो दूरीका सवारी साधनहरू अहिले आफ्नो गन्तव्यतर्फ लाग्न थालेका छन्।

बिज्ञापन

लगातारको वर्षा र पहिरोका कारण सो राजमार्ग भएर यात्रा गर्ने हजारौँ यात्रुहरू घण्टौँसम्म बीच बाटोमै अलपत्र परेका थिए।

यातायात पुनः सञ्चालनमा आए पनि लामो समयदेखि रोकिएका गाडीहरूको चाप उच्च रहेकाले ट्राफिक प्रहरीले चालकहरूलाई हतार नगरी धैर्यताका साथ सवारी चलाउन अनुरोध गरेको छ। विशेष गरी ओभरटेक नगर्न र लेन अनुशासन पूर्ण रूपमा पालना गर्न आग्रह गरिएको छ।

मौसम अझै पूर्ण रूपमा सुधार भैनसकेकाले सो क्षेत्रमा पुनः पहिरो खस्ने जोखिम कायमै छ। तसर्थ, यात्रा गर्दा आवश्यक सतर्कता अपनाउन र सडकको ताजा अवस्था बुझेर मात्र यात्रा तय गर्न सर्वसाधारणलाई सूचित गरिएको छ।

×

❮

❯