विराटनगर । विराटनगरस्थित विराट नर्सिङ होममा आफन्त बिरामीलाई भेट्न पुगेका एक युवा ट्राफिक प्रहरीको कारबाहीमा परेका छन्। दुहबी-१० बुद्धचोक घर भएका राज साह इमर्जेन्सीमा भर्ना भएका आफन्तलाई हेर्न अस्पताल पुग्दा यो समस्यामा परेका हुन्।

अस्पतालको पार्किङ भरिएको भन्दै सुरक्षा गार्डले मोटरसाइकल बाहिर राख्न भनेपछि साहले बाहिर राखेका थिए। तर, सोही क्रममा ट्राफिक प्रहरीले उनको मोटरसाइकलमा ह्वील लक गरिदिएको छ।

बिज्ञापन

अप्ठ्यारो परिस्थितिमा तुरुन्तै रगत लिन जानुपर्ने जरुरी काम परेका बेला मोटरसाइकलमा ह्वील लक लागेपछि उनलाई ठूलो समस्या भएको छ। पार्किङ निषेध गरिएको वा नियमबारे जानकारी नभएको अवस्थामा एक्कासि ह्वील लक गरेर पाँच सय रुपैयाँ जरिवाना (चिट) काटिएको भन्दै उनले दुखेसो पोखेका छन्।

अस्पतालभित्र आपत्कालीन अवस्थाका बिरामी कुरुवाका रूपमा पुगेका आफूले नियम नबुझी बाहिर गाडी राख्नु पर्दा जरिवाना तिर्नुपरेको र महत्वपूर्ण समयमा अवरोध भएको भन्दै उनले यसमा गल्ती आफ्नो हो वा अस्पतालको भन्दै प्रश्न उठाएका छन्।

×

❮

❯