काठमाडौँ । राष्ट्रपति रामचन्द्र पौडेलले नेपाल भ्रमणमा रहेका भारतीय स्थल सेनाध्यक्ष धीरज सेठलाई नेपाली सेनाको मानार्थ महारथीको दर्ज्यानी चिह्न प्रदान गर्नुभएको छ।

राष्ट्रपति भवन शीतल निवासमा सोमबार आयोजित विशेष समारोहमा राष्ट्रपति पौडेलले भारतीय सेनाध्यक्ष सेठलाई मानार्थ महारथीको दर्ज्यानी चिह्न प्रदान गर्नुभएको हो।

बिज्ञापन

नेपाल र भारतबीच सन् १९५० देखि कायम रहेको परम्पराअनुसार दुवै देशका सेना प्रमुखलाई एकअर्काको सेनाको मानार्थ महारथीको दर्जा प्रदान गरिँदै आएको छ। सोही परम्पराअनुसार भारतीय सेनाध्यक्ष सेठलाई पनि नेपाली सेनाको मानार्थ महारथीको दर्जा प्रदान गरिएको हो।

तीनदिने नेपाल भ्रमणका क्रममा सेनाध्यक्ष सेठ आइतबार नेपाल आइपुग्नुभएको थियो। भ्रमणका क्रममा उहाँले नेपाली सेनाका उच्च अधिकारीहरूसँग भेटवार्ता गर्ने कार्यक्रम रहेको छ।

मानार्थ महारथीको दर्ज्यानी चिह्न प्रदान समारोहमा उपराष्ट्रपति रामसहायप्रसाद यादव, परराष्ट्रमन्त्री शिशिर खनाल, नेपाल सरकार तथा नेपाली सेनाका उच्च पदस्थ अधिकारी र नेपालका लागि भारतीय राजदूतलगायतको उपस्थिति थियो।

×

❮

❯