विराटनगर । कोशी प्रदेश सरकार, आन्तरिक मामिला तथा कानून मन्त्रालयले प्रदेश प्रेस रजिष्ट्रार नियुक्तिका लागि अन्तर्वार्ता परीक्षाको मिति तय गरेको छ।

कोशी प्रदेश आमसञ्चार ऐन, २०८२ को दफा ४ बमोजिम रजिष्ट्रार नियुक्तिको प्रयोजनका लागि मन्त्रालयले गत जेठ ५ गते आवेदन माग गरेको थियो। प्राप्त आवेदनहरूमध्येबाट सिफारिस समितिको मिति २०८३ असार २४ गतेको निर्णयानुसार संक्षिप्त सूची ९सर्टलिस्ट० मा परेका ९ जना उम्मेदवारहरूलाई अन्तर्वार्ताका लागि छनोट गरिएको छ ।

बिज्ञापन

छनोटमा परेका उम्मेदवारहरूमा शशी कोइराला (सुनसरी), देवेन्द्र कार्की (सुनसरी), लिलाराज भट्टराई (सुनसरी), गोपाल काफ्ले (झापा), नेत्र प्रसाद अधिकारी (मोरङ), अमृत कुमार बास्तोला (तेह्रथुम), गणेशमान मुखिया (झापा), प्रभाष चन्द्र झा (सप्तरी), र बन्धु पोखरेल (सुनसरी) रहेका छन् ।

मन्त्रालयका अनुसार आगामी असार २६ गते शुक्रबार बिहान ठिक ११स्०० बजे आन्तरिक मामिला तथा कानून मन्त्रालय, विराटनगरमा अन्तर्वार्ता परीक्षा सञ्चालन हुनेछ ।

अन्तर्वार्तामा सहभागी हुन आउँदा उम्मेदवारहरूले अनिवार्य रूपमा आफ्नो नागरिकता, शैक्षिक योग्यताका प्रमाणपत्रहरू र अनुभवका सक्कल कागजातहरू साथमा लिएर उपस्थित हुनुपर्ने जानकारी मन्त्रालयका उपसचिवले सूचनामार्फत दिनुभएको छ ।

×

❮

❯