सांघाई । चीनले ठूलो क्षमताको मानवरहित कार्गो ढुवानी प्रणालीको विकासमा महत्वपूर्ण उपलब्धि हासिल गरेको छ।

नयाँ व्यावसायिक मानवरहित कार्गो विमान HH-200 ले हालै शान्सी प्रान्तमा आफ्नो पहिलो सफल उडान पूरा गरेको छ।

बिज्ञापन

नागरिक उड्डयन मापदण्डअनुसार डिजाइन गरिएको यो बिमान पूर्ण रूपमा स्वचालित उडान प्रणालीसहित सुसज्जित छ। यसमा कृत्रिम बुद्धिमत्ता (एआई) मा आधारित अवरोध पहिचान र बच्ने प्रविधि समावेश गरिएको छ, जसले सुरक्षित र प्रभावकारी सञ्चालन सुनिश्चित गर्छ।

यो प्रणालीको सेवा आयु करिब ५०,००० उडान घण्टा वा १५,००० पटक टेकअफ र अवतरण चक्रसम्म रहने बताइएको छ। यसको सञ्चालन लागत पनि अपेक्षाकृत कम रहेको छ, जसमा प्रति टन-किलोमिटर करिब ४.७ युआन (झन्डै ०.६९ अमेरिकी डलर) खर्च लाग्ने अनुमान गरिएको छ।

बिमानलाई विभिन्न भौगोलिक र वातावरणीय अवस्थाहरूमा काम गर्न सक्षम बनाइएको छ। यसले मुख्यतः चीनका सीमावर्ती तथा तटीय क्षेत्रहरू, अन्तरदेशीय व्यापार मार्गहरू, आन्तरिक बिन्दु-देखि-बिन्दु कार्गो ढुवानी, दक्षिणपूर्वी एसियाका टापुहरूबीचको ढुवानी, साथै बेल्ट एण्ड रोड साझेदार राष्ट्रहरूका हवाई कार्गो सञ्जालमा सेवा दिने लक्ष्य राखेको छ।

विशेषज्ञहरूका अनुसार यस्तो नवप्रवर्तनमा आधारित प्रविधिको विकासले अग्रणी स्थान कायम राख्न मद्दत पुर्‍याउँछ र भविष्यको ढुवानी प्रणालीलाई थप प्रभावकारी बनाउने अपेक्षा गरिएको छ।

×

❮

❯