विराटनगर । मोरङ जिल्लामा बर्ड फ्लु संक्रमण देखिएपछि जिल्ला प्रशासन कार्यालयले सतर्कता अपनाउन आग्रह गरेको छ।

जिल्ला प्रशासन कार्यालय मोरङ ले जारी गरेको सूचनाअनुसार सुन्दरहरैंचा नगरपालिका–४, उर्लाबारी नगरपालिका–८, कटहरी गाउँपालिका–६ र विराटनगर महानगरपालिका–४ मा कुखुरापालन फार्महरूमा बर्ड फ्लु पुष्टि भएको हो। उक्त रोग मानिसमा समेत सर्न सक्ने भएकाले प्रभावित क्षेत्र आसपास करिब २०० मिटर क्षेत्रलाई संकटग्रस्त घोषणा गरिएको छ।

बिज्ञापन

प्रशासनले बर्ड फ्लु नियन्त्रण नियमावली, २०७८ अनुसार आवश्यक नियन्त्रण कार्य अघि बढाइएको जनाएको छ। साथै, संक्रमित क्षेत्रबाट कुखुरा, अण्डा, दाना तथा अन्य पक्षीजन्य सामग्रीको आयात–निर्यात र ओसारपसारमा अर्को सूचना नभएसम्म रोक लगाइएको छ।

जिल्लावासी, कृषक तथा व्यवसायीलाई सतर्क रहन, आवश्यक सहयोग गर्न र सम्बन्धित निकायको निर्देशन पालना गर्न प्रशासनले अनुरोध गरेको छ।

×

❮

❯