काठमाडौँ । प्रतिनिधिसभामा निर्वाचित २४ जना सांसदले मातृभाषामा शपथ लिने भएका छन्।

चैत १२ गते दिउँसो २ बजे हुने शपथ कार्यक्रममा उनीहरूले आफ्नो-आफ्नो भाषामा शपथ लिने जानकारी संघीय संसद सचिवालयलाई दिएका छन्। सचिवालयले मातृभाषामा शपथ लिन इच्छुक सांसदहरूलाई तीन दिनअघि नै जानकारी गराउन आग्रह गरेको थियो।

बिज्ञापन

सचिवालयका अनुसार हालसम्म २४ सांसदले मातृभाषामा शपथ लिने इच्छा व्यक्त गरेका छन्, जसका लागि ११ फरक-फरक भाषाहरू चयन गरिएको छ।

यसअघि चैत ११ गते ज्येष्ठ सदस्यले राष्ट्रपति कार्यालयमा शपथ लिने कार्यक्रम रहेको छ। त्यसपछि चैत १२ गते संसद भवनमा बाँकी सदस्यहरूको शपथ हुने क्रममा ती २४ सांसदले मातृभाषामै शपथ लिनेछन्।

×

❮

❯