विराटनगर । नेपाली कांग्रेसका नेता तथा मोरङ क्षेत्र नम्बर ६ का उम्मेदवार डा. शेखर कोइरालाले आफ्नो चुनावी खर्च विवरण सार्वजनिक गरेका छन्।

निर्वाचन कार्यालय मोरङमा बुझाइएको विवरणअनुसार कोइरालाले चुनावी अभियानमा कुल २२ लाख ३१ हजार ८८ रुपैयाँ ६९ पैसा खर्च गरेका छन्।

विज्ञापन

विवरण अनुसार सबैभन्दा बढी रकम प्रचार–प्रसार सामग्री छपाइमा खर्च भएको छ, जसमा १६ लाख ४६ हजार ६०९ रुपैयाँ खर्च गरिएको उल्लेख छ। यस्तै स्टेशनरीमा १ लाख ४ हजार ५०० रुपैयाँ, प्रचार–प्रसार कार्यक्रममा १ लाख १३ हजार रुपैयाँ, टेन्ट व्यवस्थापनमा ४० हजार रुपैयाँ खर्च गरिएको छ।

त्यसैगरी यातायातमा ७९ हजार रुपैयाँ, इन्धनमा १ लाख १६ हजार ३१९ रुपैयाँ, खाजामा ९६ हजार ६६० रुपैयाँ र मसलवन्द शीर्षकमा ३५ हजार रुपैयाँ खर्च भएको विवरणमा उल्लेख गरिएको छ।

समग्रमा कोइरालाको चुनावी अभियानमा कुल २२ लाख ३१ हजार ८८ रुपैयाँ ६९ पैसा खर्च भएको निर्वाचन कार्यालयमा बुझाइएको विवरणमा जनाइएको छ।

×

❮

❯