विराटनगर । मोरङ प्रहरीले बिलबिजकमा कम मूल्याङ्कन गरिएको तथा भिसिटिएस बिलसमेत नभएको लत्ताकपडा बरामद गरेको छ।

जिल्ला प्रहरी कार्यालय मोरङका अनुसार फागुन ८ गते बिहान करिब ११ बजे विराटनगर महानगरपालिका–७ सातघुम्तीस्थित जेबी ट्रान्सपोर्टमा अवैध रूपमा लत्ताकपडा राखिएको भन्ने विशेष सूचनाका आधारमा प्रहरी टोली खटिएको थियो।

प्रहरीले सेतो प्लास्टिकका बोरामा प्याक गरेर राखिएका २० वटा पोकाबाट अन्दाजी ७ लाख ३० हजार रुपैयाँ बराबरका लत्ताकपडा बरामद गरेको जनाएको छ। ती सामानको बिलबिजकमा कम मूल्याङ्कन गरिएको र बिल नभएको प्रारम्भिक अनुसन्धानबाट खुलेको प्रहरीले जानकारी दिएको छ।

बरामद गरिएका सामान आवश्यक कारबाहीका लागि राजस्व अनुसन्धान कार्यालय, इटहरी, सुनसरी पठाइएको छ। प्रहरीले घटनाबारे थप अनुसन्धान जारी रहेको जनाएको छ।

×

❮

❯