विराटनगर । नेपाली कांग्रेसका नेता डा. शेखर कोइरालाले आफूले सबै कामहरु खुला रुपमा गरिरहेको बताएका छन् ।

विराटनगर विमानस्थलमा आज पत्रकारहरुसँग कुराकानी गर्दै भने,‘‘मैले केही पनि गरेको होइन छलफल गरेको हो । राजनीतिक दलबीच छलफल भइरहनु पर्छ । यो स्वभाविक हो । म लुकेर छलफल गर्दिन् ।’’

बिज्ञापन

पूर्वराष्ट्रपति विद्या भण्डारीसँगको आफ्नो भेट त्यही भएको भन्दै भण्डारीलाई राष्ट्रपति भइसकेपछि पनि भेटेको रअहिले पनि भेटेको बताए । तर, अहिलेको भेटलाई बढी महत्व दिइएको सुनाए ।
संसदीय दलको नेता परिवर्तनको सन्दर्भमा भने त्यसका लागि आवश्यक संख्या चाहिने बताए । यसबारे सबै जानकार रहेको बताए ।

कांग्रेस सभापति शेरबहादुर देउवा पार्टीको मात्रै नभएर देशकै नेता भएको भन्दै उनले समसामयिक विषयमा विभिन्न दलका नेताहरूलाई घरमै बोलाएर भेट्नुपर्ने बताए । उनले भने,‘‘नभेट्दैमा अन्य नेताहरूले अरु पार्टीका नेता र व्यक्तिलाई भेट्न नहुने भन्ने छैन् ।’’ कुलिङ अफ पिरियडका विषयमा सबैको विश्वासतिलले आएपनि विश्वास तोड्ने काम भएको र यसमा राज्य व्यवस्थाका सभापति पनि भागिदार भएको बताए ।

‘‘अपरा हाउसमा गईसकेपछि एमालेका पाँच जना सांसदले माथिबाट निर्देशन आएकोले हामीले हटाउनु पर्छ भनेर संशोधन गरेको बताई सकेका छन्,’’ कोइरालाले भने,‘‘राष्ट्रपतिले एउटा ऐन फर्काउनु भएको छ । के कारणले भयो ? यो गम्भीर विषय हो । संवैधानिक परिषद्मा ६ जना वरिष्ठ व्यक्ति रहने भन्ने छ । प्रधानमन्त्री, सभामुख, विपक्षी दलको नेता, राष्ट्रिय सभाको अध्यक्ष, उपसभामुख हुने हुने प्रावधान छ । अपर हाउसले दुई जनाको वहुमत भए हुन्छ भनिदियो । शक्तिपृथकीकरणको आधारमा संविधान बनेको हो । तर, राष्ट्रिय सभाले संविधानको स्पिरिटलाई नै समाप्त गर्ने काम भयो । यो लोकतन्त्रको लागि एकदमै खतरा कुरा छ ।’’

‘कुलिङ अफ पिरयड’मा भएको बदमासीमा सरकार र उच्च प्रशासकको हात रहेको कुरामा शंका नरहेको उनको भनाइ छ । राष्ट्रियसभामा गएपछि यो पुष्टि भएको उनको भनाइ छ ।

कोइरालाले बागमती प्रदेशको विषयमा संविधान र नेपाली कांग्रेसको संसदीय दलको नियम पनि भएको बताए । तर, मुख्यमन्त्री हुन दलकै नेता हुनुपर्छ भन्ने नभएको बताए ।

कोइरालाले भने,‘‘सरकारले सांसदहरुलाई सात बुँदे पढेर सुनाउनु भयो, त्यसमा एउटा बुँदा पनि अगाडि बढेको छैन । संविधान संशोधनको त कुरै हराइसक्यो । मिडिया र कांग्रेसले पनि छलफल गर्न छाडिसके ।’’ नयाँ सरकार बनाउन कुनै पनि विकल्प आफूले नदेखेको कोइरालाले सुनाए ।

×

❮

❯