विराटनगर । विराटनगर महानगरपालिका–१ स्थित परोपकार धाममा रहेको परमार्थ सिंघिया आरती सेवाले आफ्नो दोस्रो वार्षिकोत्सव एक विशेष कार्यक्रम गरी मनाएको छ ।

सो अवसरमा आयोजित कार्यक्रममा विराटनगर महानगरपालिकाका मेयर नागेश कोइराला विशिष्ट अतिथिका रूपमा सहभागी भए ।

बिज्ञापन

कार्यक्रमलाई सम्बोधन गर्दै मेयर कोइरालाले परोपकार धामले सामाजिक तथा आध्यात्मिक क्षेत्रमा पुर्याएको योगदानको प्रशंसा गरे । उनले यस्ता कार्यले समाजमा सकारात्मक भावनाको विकास गर्ने र सबैलाई एकजुट बनाउन मद्दत पुग्ने विश्वास व्यक्त गरे ।

सोही अवसरमा परोपकार धाम परिसरमा निर्माण गर्न लागिएको कैलाशेश्वर महादेवको भव्य मूर्तिको पनि शिलान्यास गरिएको थियो । मेयर नागेश कोइरालाले एक विशेष पूजाआजासहित मूर्तिको शिलान्यास गरे ।

कार्यक्रममा स्थानीय समाजसेवी, भक्तजन तथा सर्वसाधारणको उल्लेख्य उपस्थिति रहेको थियो । परोपकार धामले नियमित रूपमा सिंघिया नदी किनारमा आरती गर्दै आएको छ, जसले नदीको संरक्षण तथा धार्मिक पर्यटन प्रवर्द्धनमा समेत टेवा पुर्याएको छ ।

×

❮

❯