विराटनगर । मोरङको विराटनगर महानगरपालिका वडा नं. ५ स्थित ब्राइट भिजन ल कलेजमा “प्रहरीसँग एक दिन” कार्यक्रम सम्पन्न भएको छ। यो कार्यक्रम जिल्ला प्रहरी कार्यालय मोरङको समन्वय र सहकार्यमा कलेजमा अध्ययनरत विद्यार्थीहरुलाई प्रहरी सेवाबारे जानकारी गराउन आयोजित गरिएको थियो।

कार्यक्रमको प्रमुख उद्देश्य विद्यार्थीहरुलाई प्रहरी सेवा प्रक्रिया, साईबर अपराध र लागूऔषध दुर्व्यसन जस्ता महत्त्वपूर्ण विषयमा प्रशिक्षण दिनु थियो। कार्यक्रमको दौरान, प्रहरी कर्मचारीहरुले शाखाबाट प्रदान गरिने सेवाबारे विद्यार्थीहरुलाई विस्तृत जानकारी दिइएको साथै, उनीहरुलाई प्रहरी सेवा लिनको प्रक्रिया र अधिकारका बारेमा सचेत गराइएको छ।

बिज्ञापन

कार्यक्रममा प्रशिक्षक सँग अन्तरक्रिया पनि भएको थियो, जसमा विद्यार्थीहरुले विभिन्न सुरक्षा र कानूनी विषयमा प्रश्न गर्न र स्पष्टिकरण प्राप्त गर्न सके। यस कार्यक्रमले विद्यार्थीहरुलाई प्रहरीका विभिन्न पहलु र समाजको सुरक्षामा प्रहरीको भूमिकाबारे थप बुझ्न मद्दत पुर्याएको छ।

यस कार्यक्रमको आयोजनाले कलेजका विद्यार्थीहरुलाई कानून र सुरक्षा विषयमा अझ बढी जागरूक र जिम्मेवार नागरिकको रूपमा तयार गर्नको लागि महत्त्वपूर्ण भूमिका निर्वाह गरेको छ।

×

❮

❯