काठमाडौं । नेकपा एकता राष्ट्रिय अभियानका संयोजक बामदेव गौतम नेकपा एकीकृत समाजवादी पार्टीमा समाहित भएका छन् । आफूलाई पार्टी प्रवेश गर्न चार वर्ष लागेको उनको प्रतिक्रिया छ ।

शुक्रबार काठमाडौंमा माधव नेपाल नेतृत्वको एकीकृत समाजवादीसँग एकता अभियानलाई सम्बोधन गर्ने क्रममा गौतमले भने, म चार वर्षपछि समाजवादीमा आएको छु।

बिज्ञापन

‘आजभन्दा ४ वर्ष पहिलेदेखि यात्रा गरेँ । एकीकृत समाजवादीसम्म आउन मलाइ ४ वर्ष लाग्यो । ४ वर्षपछि मैले भनेजसरी हामी एकीकृत हुँदैछौं,’ गौतमले भने, ‘म ७ वर्षको उमेरमा कम्युनिस्ट पार्टीको झन्डा समातेको हुँ । त्यो गणना गर्दा ७० वर्ष भएछ । अहिले ७७ वर्षको छु ।’

उनले पार्टीको झन्डा बोकेर लामो समय भूमिगत संघर्षमा बिताएको स्मरण गरे। “मैले कम्युनिस्ट पार्टीको झन्डा फहराएँ, कहिल्यै झुक्न दिएनँ,” गौतमले भने, “१९/२० वर्ष भूमिगत रही पार्टीको काममा लागेको हुँ। यस क्रममा पढाइमा ध्यान दिन सकिनँ।”

उनले एसएलसी थर्ड डिभिजनमा पास गरेको उल्लेख गर्दै आफू पार्टीमै समर्पित भएको बताए।

त्यस्तै, माओवादी केन्द्र र एमालेबीच भएको एकता आफ्नो लागि खुशीको क्षण भए पनि त्यो एकता टिक्न नसकेकोप्रति उनले चिन्ता व्यक्त गरे।

×

❮

❯