विराटनगर । मोरङको धनपालथान गाउँपालिका–१ मा ठूलो मात्रामा लागूऔषध गाजा बरामद गरिएको छ।
इलाका प्रहरी कार्यालय रंगेली, गडेरीया नोचा प्रहरी चौकी, अमाहीबरीयाती प्रहरी चौकी तथा सशस्त्र प्रहरी (एपिएफ) को संयुक्त टोलीले उखु घारीभित्र लुकाइएको ८०२ किलो गाजा फेला पारेको हो।
गाजालाई २६ वटा बोरामा प्याक गरी गोप्य तरिकाले लुकाइएको अवस्थामा भेटिएको प्रहरीले जनाएको छ। बरामद गरिएको लागुऔषधलाई थप अनुसन्धानका लागि इलाका प्रहरी कार्यालय रंगेलीमा ल्याइएको छ।
बिज्ञापन
घटनासम्बन्धी अनुसन्धान जारी रहेको र यसमा संलग्न व्यक्तिहरूको खोजी तीव्र पारिएको इलाका प्रहरी कार्यालय रंगेलीका प्रहरी निरीक्षक नरेन्द्र बगोटीले जानकारी दिए।