काठमाडौं । नेपाल राष्ट्र बैंकले निवर्तमान गभर्नर महाप्रसाद अधिकारीको हस्ताक्षर रहेको नयाँ १० रुपैयाँ दरको नोट आज सोमबार (असार २ गते)देखि चलनचल्तीमा ल्याएको छ।

राष्ट्र बैंकका अनुसार नयाँ नोटहरू साविककै आकार र रंगमा रहनेछन्। यसपटक संकेत नम्बर द३२ ०००००१ देखि प९४ ९९९९९९ सम्मका नोट बजारमा ल्याइनेछ।

बिज्ञापन

यसअघि राष्ट्र बैंकले २०७७ मंसिर १० गते १० रुपैयाँ दरको (सिरिज २०२०) नयाँ नोट संकेत नम्बर ढ८२ ०००००१ देखि द४५ ९९९९९९ सम्म चलनचल्तीमा ल्याउने सूचना प्रकाशित गरेको थियो। तर, त्यसमध्ये ढ८२ ०००००१ देखि द३१ ८००००० सम्मका नोट मात्र बजारमा ल्याइएको बैंकले स्पष्ट पारेको छ।

नयाँ नोट बजारमा ल्याइएसँगै पुराना नोटहरूसँगै दुवै नोट प्रचलनमा रहनेछन्।

×

❮

❯