विराटनगर । नेपाल प्रिमियर लिग (एनपीएल) क्रिकेटको तेस्रो संस्करणअन्तर्गत आज बिहीबार दुई खेल हुँदैछन्। कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने दुवै खेलमा टोलीहरू जित निकाल्ने लक्ष्यसहित मैदान उत्रिनेछन्।

आजको पहिलो खेलमा दिउँसो १२ः३० बजे काठमाडौं गोर्खाज र जनकपुर बोल्ट्सबीच प्रतिस्पर्धा हुनेछ। काठमाडौंले यस खेलबाट प्रतियोगितामा आफ्नो यात्रा सुरु गर्दैछ। पहिलो खेलमा कर्णाली याक्ससँग पराजित जनकपुर भने पहिलो जितको खोजीमा हुनेछ।

विज्ञापन

यस्तै, दोस्रो खेलमा साँझ ५ बजे विराटनगर किंग्स र कर्णाली याक्स आमनेसामने हुनेछन्। पहिलो खेलमा चितवन राइनोजसँग पराजित विराटनगर जित निकाल्दै प्रतियोगितामा पुनरागमन गर्न चाहन्छ।

आजका दुवै खेलले टोलीहरूको लिग यात्रालाई थप रोचक बनाउने अपेक्षा गरिएको छ।

×

❮

❯