राजनीति

रास्वपाद्वारा प्रवक्ता, कोषाध्यक्षसहित विभिन्न विभागका प्रमुखहरू मनोनीत

शुक्रबार, भाद्र ०५, २०८३ | साँझ ४:४७ बजे

Hamro Biratnagar News Channel ,रास्वपाद्वारा प्रवक्ता, कोषाध्यक्षसहित विभिन्न विभागका प्रमुखहरू मनोनीत, Biratnagar Top News Channel

लिङ्क कपी भएको छ ।

काठमाडौं । सत्तारुढ राष्ट्रिय स्वतन्त्र पार्टी (रास्वपा) ले आफ्ना केही पदाधिकारी तथा विभागीय प्रमुखहरूको मनोनयन गरेको छ।

पार्टीको केन्द्रीय कार्यालय बनस्थलीमा शुक्रबार बसेको केन्द्रीय समिति बैठकले प्रवक्ता, सहप्रवक्ता, कोषाध्यक्ष र सहमहामन्त्रीसहित विभिन्न विभागका प्रमुखहरूको जिम्मेवारी टुंगो लगाएको हो।

बिज्ञापन

बैठकले जगदीश खरेललाई पार्टीको प्रवक्तामा मनोनीत गरेको छ। पार्टी नेता मनिष झाका अनुसार सहप्रवक्ताको जिम्मेवारी ननिता यादव र सुरेन्द्र चौधरीलाई दिइएको छ।

त्यसैगरी मनोहर प्रधानलाई कोषाध्यक्ष, बसुमाया तामाङलाई सहकोषाध्यक्ष र पुरुषोत्तम यादवलाई सहमहामन्त्रीमा मनोनीत गरिएको छ। उपसभापति र महामन्त्रीसहितका अन्य पदहरूमा भने मनोनयन गर्न बाँकी छ।

पदाधिकारी मनोनयनसँगै बैठकले सांगठनिक तथा विभागीय जिम्मेवारीसमेत बाँडफाँड गरेको छ। जसअनुसार केन्द्रीय सदस्य प्रमोद न्यौपानेलाई संगठन विभाग प्रमुखको जिम्मेवारी सुम्पिएको छ।

पूर्वकोषाध्यक्ष एवं सांसद लीमा अधिकारीलाई अर्थ विभाग प्रमुखका रूपमा अनुमोदन गरिएको छ भने प्रशिक्षण विभाग प्रमुखको जिम्मेवारी महामन्त्री विपिन आचार्यले नै सम्हालेका छन्। प्रशिक्षण विभागको उपप्रमुखमा सांसद कमल सुवेदी मनोनीत भएका छन्।

*** समाप्त ***