काठमाडौं । कतारको रस लाफान औद्योगिक सहरस्थित ग्यास प्रशोधन प्लान्टमा भएको विस्फोटमा एक नेपाली नागरिक घाइते भएका छन्।

विस्फोटमा परी १३ जनाको मृत्यु भएको छ। भारतीय सञ्चारमाध्यम *टाइम्स अफ इन्डिया* का अनुसार मृत्यु हुनेमध्ये १२ जना भारतीय नागरिक रहेका छन्।

बिज्ञापन

स्थानीय सञ्चारमाध्यमहरूले घाइते हुनेहरूमा नेपाल, भारत, कतार, तान्जानिया, पाकिस्तान, गिनी, बंगलादेश, केन्या र नाइजेरियालगायत विभिन्न देशका नागरिक रहेको जनाएका छन्।

घटनामा घाइते भएका ६६ जनाको उपचार भइरहेको छ। अस्पतालमा उपचाररत सबै घाइतेको अवस्था खतरामुक्त रहेको बताइएको छ।

कतार सरकारको स्वामित्वमा रहेको ऊर्जा कम्पनी कतार इनर्जीका अनुसार सञ्चालन प्रक्रियाका क्रममा भएको प्राविधिक समस्याका कारण बरजान ग्यास आपूर्ति केन्द्रमा विस्फोट र त्यसपछि आगलागी भएको हो।

×

❮

❯