प्रदेश

लखनपुरको आयुर्वेदिक अस्पताल पुगे कोसीका मुख्यमन्त्री कार्की

नोट: यो समाचार १ वर्ष ३ महिना अघिको हो

मंगलबार, जेठ १३, २०८२ | साँझ ७:०० बजे

Hamro Biratnagar News Channel ,लखनपुरको आयुर्वेदिक अस्पताल पुगे कोसीका मुख्यमन्त्री कार्की, Biratnagar Top News Channel

Hamro Biratnagar Media Files

लिङ्क कपी भएको छ ।

विराटनगर । कोसी प्रदेशका मुख्यमन्त्री हिक्मतकुमार कार्की, स्वास्थ्यमन्त्री भुपेन्द्र राई सहितको टोलीले झापाको कमल गाउँपालिका लखनपुरमा अवस्थित आयुर्वेदिक अस्पताल निरीक्षण गरेका छन् ।

प्रदेशकी प्रमुख सचिव चन्द्रकला पौडेल, स्वास्थ्य सचिव राधिका थपलिया, संविधान सभा सदस्य दीपक कार्की लगायतका निरीक्षणमा सहभागी थिए । निरीक्षण गर्दै मुख्यमन्त्री कार्कीले सेवाका विषयमा अस्पतालका कर्मचारीहरुलाई आवश्यक निर्देशन दिए ।

उनले आगामी आर्थिक वर्षको बजेटबाट अस्पताललाई पूर्ण रुपमा सञ्चालन हुने गरिको व्यवस्था गरिने बताए । औषधि उत्पादनको समेत लक्ष्य रहेको सुनाए । सरकारले विदुषी योगमाया हिमालयन आयुर्वेद विश्वविद्यालयसँग सहकार्य गर्न चाहेको कार्कीले बताए ।

कोसी प्रदेश सरकारले वैकल्पिक स्वास्थ्य सेवाका रुपमा आयुर्वेदिक अस्पतालहरुलाई उच्च प्राथमिकता दिँदै आएको छ । आयुर्वेदिक अस्पतालको सेवा सुविधा विस्तार गर्दै लैजाने प्रदेश सरकारको योजना रहेको मुख्यमन्त्री कार्कीले बताए ।

अनुगमन निरीक्षणका क्रममा स्वास्थ्य मन्त्री राईले पूर्वीय चिकित्सा पद्धतीका रुपमा परिचित आयुर्वेद चिकित्साको महत्व दिन प्रतिदिन बढ्दै गएको दाबी गरे । निरीक्षणमा विदुषी योगमाया हिमालयन आयुर्वेद विश्वविद्यालयका प्रतिनिधिहरु समेत सहभागी थिए ।

*** समाप्त ***