विराटनगर । कोशी प्रदेश सरकार अन्तर्गत स्वास्थ्य मन्त्रालय मातहत सञ्चालनमा रहेको शैलजा आचार्य कोशी प्रादेशिक अस्पताल तथा हृदय केन्द्र, विराटनगरले विभिन्न स्वास्थ्य सेवाको नयाँ शुल्क विवरण सार्वजनिक गरेको छ।

अस्पतालले सार्वजनिक गरेको सूचीअनुसार जनरल ओपीडी सेवा शुल्क ५० रुपैयाँ कायम गरिएको छ। त्यस्तै रेडियोलोजी विभागअन्तर्गत एक्स–रे सेवा एक भाग एक भ्युको २५० रुपैयाँ तथा दुई भ्युको ३०० रुपैयाँ निर्धारण गरिएको छ।

विज्ञापन

कार्डियोलोजी विभागतर्फ ईसीजीको शुल्क ३०० रुपैयाँ, इको १२०० रुपैयाँ, एम्बुलेटरी बीपी मोनिटरिङ (ABPM) र होल्टर परीक्षणको शुल्क २५०० रुपैयाँ तोकिएको छ। साथै इको स्क्रिनिङ ६०० रुपैयाँ तथा पल्मोनरी फङ्सन टेस्ट १००० रुपैयाँ निर्धारण गरिएको अस्पतालले जनाएको छ।

यसैगरी अक्सिजन सिलिन्डर भर्ने शुल्क, अक्सिजन कन्सन्ट्रेटर सेवा तथा मेडिकल सर्टिफिकेटसमेतको शुल्क सूचीमा समावेश गरिएको छ। अस्पताल प्रशासनले सर्वसाधारणलाई सहज र पारदर्शी सेवा प्रदान गर्ने उद्देश्यले शुल्क विवरण सार्वजनिक गरिएको जनाएको छ।

×

❮

❯