काठमाडौं । रोलेण्ड ग्यारोसको प्रतिष्ठित कोर्टमा भावनाले भरिएको बिदाइ समारोह सम्पन्न भयो, जहाँ क्ले कोर्टका राजाु राफायल नडाललाई सम्मान गरियो । २० वर्ष लामो गौरवशाली करिअरको स्मरणमा हजारौं दर्शक, प्रतिद्वन्द्वी, साथी, परिवार र शुभचिन्तकहरूको बीचमा नाडालले अन्तिमपटक मञ्चमा आफ्नो भावना पोखे ।
टेनिस इतिहासको सबैभन्दा गौरवशाली अध्यायमध्ये एक क्ले कोर्टका राजाु रफायल नडाललाई रोलाण्ड ग्यारोसमा फ्रेन्च ओपनले सम्मान गरियो । उनको सम्मानमा हजारौं दर्शक, खेलाडी, परिवार र शुभेच्छुक उपस्थित थिए । मर्सी राफा लेखिएको रातो रंगको टि सर्टमा सजिएको पुरै स्टेडियम । भावना चरम उत्कर्षमा थियो । नडालको सम्मानमा धेरै नारा लागे । सायद कसैले आँशु रोक्न सके ।
यो समारोह केवल एक खेलाडीको बिदाइ थिएन । यो एक युगको अन्त्य थियो । नडाल, जसले यो कोर्टमा १४ पटक उपाधि जितेका छन र यो कीर्तिमानको नजिक कोही पुग्न सकेको छैन । उनी आफ्ना ती स्मृतिहरूसँग अन्तिमपटक उभिएका थिए ।
समारोहको सबैभन्दा भावुक क्षण तब आयो, जब उनका तीन महान प्रतिद्वन्द्वी रोजर फेडेरर, नोभाक जोकोभिच, र एन्डी मरे कोर्टमा आएर उनलाई आगालो हाले । उनीहरूबीचको प्रतिस्पर्धा टेनिस इतिहासकै सर्वश्रेष्ठ मानिन्छ । तर, त्यो क्षण उनीहरू एकअर्काको साथ र सम्मानको प्रतिक बने ।
नडालका शब्दहरू शान्त थिए, तर तिनमा दशकौंको संघर्ष, पीडा, जित र टेनिस प्रतिको समपर्ण समेटिएको थियो । उनले आफ्ना दिवंगत हजुरबुबालाई सम्झिए, अनि आफ्ना अभिभावक, श्रीमती मारिया र परिवारलाई धन्यवाद दिए । तर, जब उनले आफ्ना काका तथा कोच टोनी नडालको नाम लिंदै धन्यवाद दिए, पूरै स्टेडियम फेरि एकपटक ुराफा राफाु को नाराले गुञ्जियो ।
२० वर्षअघि १८ वर्षको उमेरमा रोलाण्ड ग्यारोसमा पहिलोपटक जित दर्ता गरेका नाडालले केहीअघि नै व्यावसायीक करिअरबाट बिदा लिइसकेका थिए ।
उनको आफ्नो कोर्टमा अन्तिम बिदाइ हुन बाँकी थियो । तर, गएराति उनको भब्य विदाइ गरियो । सायद २० बर्ष अघि नाडाल बाहेक थोरैलाई मात्र विश्वास थियो होला उनी क्ले कोर्टका राजा बन्छन् भनेर । ठीक २० वर्षपछि उनले आफ्ना हजारौं समर्थकलाई सम्बोधन गरे । भीडको अगाडि आँशु छल्काउँदै आफ्नो अन्तिम सन्देश दिए ।
फ्रेन्च ओपनले नडालको सम्मानमा एउटा विशेष फलाकी पनि अनावरण गर्यो । जसमा उनको खुट्टाको छाप, नाम, ु१४ु नम्बर र फ्रेन्च ओपनको ट्रफीको चित्र अंकित छ । १४ नम्बरले उनले जितेका १४ वटा फ्रेन्च ओपनको प्रतिनिधित्व गर्छ ।
उनको सम्मानमा हजारौं दर्शक, चार पटककी च्याम्पियन इगा स्विान्तेक, कार्लोस अल्काराजजस्ता नयाा पुस्ताका स्टारहरू र फ्रेन्च टेनिस महासंघका अधिकारीहरू सबैले एकै आवाजमा नडाललाई धन्यवाद भने । नाडालको खेल जीवन केवल उपाधिहरूको श्रृंखला थिएन, त्यो साधना र संघर्षको जीवित कथा थियो ।
*** समाप्त ***
बिहिबार, जेठ १५, २०८२
