काठमाडौं । नेपाल समाजवादी पार्टी (नेसपा) को गंगानारायण श्रेष्ठ समूह नेकपा (माओवादी केन्द्र) मा समाहित भएको छ ।

बिज्ञापन

श्रेष्ठलाई माओवादी केन्द्रले सचिव बनाउने भएपश्चात सोमबार ललितपुरमा आयोजित एक कार्यक्रममा उनी नेतृत्वको समूह माओवादी केन्द्रमा समायोजन भएको हो ।
यस अगाडि डा. बाबुराम भट्टराईबाट विभाजित भएर गएको महेन्द्रराय यादवले माओवादीसँग सहमति नगरेपछि श्रेष्ठ पक्ष सोमबार माओवादीमा गएको हो ।

बिज्ञापन

दुई पार्टीबीच ५ बुँदे सहमति भएको छ । नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल प्रचण्ड र नेपाल समाजवादी पार्टीका गंगानारायण श्रेष्ठबीच सहमतिपत्रमा हस्ताक्षर र पत्र आदानप्रदानसमेत भएको छ ।
सहमतिका बुँदामा अरू नेतालाई पनि उचित जिम्मेवारी दिने उल्लेख छ । पार्टीको कार्यक्रम नेपाली विशेषता अनुरुपको समाजवादी कान्तिको कार्यक्रम हुने उल्लेख छ ।

×

❮

❯