विराटनगर । रोटरी क्लब अफ बिराटनगर डाउनटाउनको आयोजनामा सेरेब्रल पाल्सी डे–केयर सेन्टरमा बालबालिकाहरूका लागि सृजनात्मक तथा अन्तरक्रियात्मक कार्यक्रम सम्पन्न भएको छ।

कार्यक्रममा शिक्षिका तथा प्रशिक्षक मेघा राठीले बालबालिकाहरूलाई ध्वनि, कल्पना र अभिव्यक्तिमार्फत आत्मविश्वास विकास गर्ने उद्देश्यले विभिन्न गतिविधिहरू सञ्चालन गरिन्। कार्यक्रममा साउन्ड गेम, पिक्शनरी, भाव–अभिव्यक्ति अभ्यास तथा मनोरञ्जनात्मक समूह गतिविधिहरू समावेश गरिएको थियो।

बिज्ञापन

क्लबकी अध्यक्ष गिरिजा सारडाले कार्यक्रममा बोल्दै रोटरी क्लब अफ विराटनगर फ्युजनकी रोटेरियन अपर्णा सारडाले सेन्टरका बालबालिकाहरूका लागि बल पुल, हाई चेयर तथा खेलौनाहरू सहयोग गरेको जानकारी दिइन् र यसका लागि आभार व्यक्त गरिन्।

उक्त कार्यक्रममा क्लबकी अध्यक्ष–निर्वाचित सरिता गोल्छा, सचिव पूनम राठी, कोषाध्यक्ष सपना सिंघल तथा सदस्यहरू प्रभावती तिवारी रिजाल र निधि राठीको उपस्थिति रहेको थियो। साथै चार्टर अध्यक्ष डा। ममता वर्माको पनि सहभागिता रहेको थियो।

कार्यक्रमले बालबालिकाहरूमा खुशी, आत्मविश्वास र सामाजिक सहभागिता अभिवृद्धि गर्न महत्वपूर्ण योगदान पुर्‍याएको आयोजकले जनाएको छ।

×

❮

❯