विराटनगर । कोसी सरकारको आगामी आर्थिक वर्ष २०८२÷०८३ को नीति तथा कार्यक्रम माथि मंगलबार (आज) बाट छलफल प्रारम्भ हुँदै छ ।

कोसी प्रदेश सभाको सातौ अधिवेशनको तेस्रो बैठकबाट छलफल शुरु हुने कोसी प्रदेश सभाका कार्यवाहक प्रदेश गौतम राज अमात्यले जनाएका छन् । उनका अनुसार आजबाट नीति तथा कार्यक्रम माथि छलफल प्रारम्भ हुने छ ।

प्रदेश प्रमुख परशुराम खापुङले सोमबारको बैठकमा प्रदेश सरकारको नीति तथा कार्यक्रम प्रस्तुत गरेका थिए । सरकारले केही महत्वाकांक्षी योजनाहरु समेत नीति तथा कार्यक्रममा समावेश गरेको छ । केही पुराना योजना र परियोजनाको नीतिलाई समेत निरन्तरता दिइएको छ ।

विपक्षी दलहरुले भने सरकारले ल्याएको नीति तथा कार्यक्रम नवीनतम र जनमुखी नभएको भनेर टिप्पणी गरेका छन् ।

×

❮

❯