कोसी प्राइड लिगः कति छन् टिम, को-को खेलाडी भए अनुबन्ध ?
आइतबार, माघ ०४, २०८२ |
साँझ ४:०१ बजे
विराटनगर। कोसी प्राइड प्रालिको आयोजनामा हुने टी–२० कोसी प्राइड लिग (केपीएल) को तेस्रो संस्करणका लागि खेलाडी अक्सन सम्पन्न भएको छ। प्रतियोगिता आगामी फागुन ९ देखि २१ गतेसम्म सुनसरीमा आयोजना हुनेछ।
सात वटा फ्रेन्चाइज टिमले अक्सनमार्फत समान १२–१२ खेलाडी अनुबन्ध गरेका छन्। यसका अतिरिक्त प्रत्येक टिमले ड्राफ्ट प्रक्रियाबाट तीनदेखि छ खेलाडीसम्म अनुबन्ध गरेको आयोजकले जनाएको छ।
बिज्ञापन
शनिबार सम्पन्न अक्सनमा कुल २३२ खेलाडी समावेश थिए। जसमा क्याटगोरी ‘ए’मा ३४, ‘बी’मा ९५ र ‘सी’मा १०३ खेलाडी थिए। अक्सनमार्फत ८४ खेलाडी बिक्री भएका छन्।
कोसी प्राइडका निर्देशक अफजल हुसैनका अनुसार क्याटगोरी ‘ए’ का खेलाडीको न्यूनतम मूल्य ४५ हजारदेखि ६५ हजार रुपैयाँसम्म, क्याटगोरी ‘बी’का लागि २५ हजारदेखि ४५ हजार र क्याटगोरी ‘सी’का लागि ५ हजारदेखि २५ हजार रुपैयाँसम्म तोकिएको थियो।
प्रतियोगितालाई नेपाल क्रिकेट संघ (क्यान)ले स्वीकृति दिएको छ भने कोसी प्रदेश क्रिकेट संघले प्राविधिक सहयोग गर्नेछ।
आइतबार, माघ ०४, २०८२
आइतबार, माघ ०४, २०८२
