काठमाडौं । सरकारले असोज १ गते शोक दिवसको रूपमा मनाउने निर्णय गरेको छ।

सोमबार बसेको मन्त्रिपरिषद् बैठकपछि गृहमन्त्री तथा कानुनमन्त्री ओमप्रकाश अर्यालले सार्वजनिक बिदासहित शोक दिवस मनाउने जानकारी दिएका हुन्।

बिज्ञापन

बैठकले जेनजी आन्दोलनका क्रममा ज्यान गुमाएका नागरिकलाई शहीद घोषणा गर्ने, उनीहरूलाई राष्ट्रिय झण्डा ओढाएर अन्त्येष्टि गर्ने र राष्ट्रिय सम्मानसहित श्रद्धाञ्जली दिने निर्णय गरेको छ।

मन्त्री अर्यालका अनुसार उक्त आन्दोलनमा देशभर ७२ जनाको ज्यान गएको छ भने २ हजार ३१६ जना घाइते भएका छन्। हाल पनि विभिन्न अस्पतालहरूमा २८३ जना उपचाररत छन्।

×

❮

❯