विराटनगर । विराटनगर–३ मा अवस्थित बाल सुधार गृहमा आज दिउँसो दुई बालक समूहबीच भएको झडपमा एक प्रहरी घाइते भएका छन्।

झडप नियन्त्रणका क्रममा वरिष्ठ प्रहरी हवल्दार हिरन कुमार मण्डल घाइते भएको मोरङ प्रहरी प्रमुख एसपी नारायण प्रसाद चिमरियाले जानकारी दिएका छन्।

बिज्ञापन

उनका अनुसार झडपपछि अवस्था नियन्त्रणमा ल्याइएको छ। “दुई समूहबीच विवाद भएको देखिन्छ,” चिमरियाले भने, “हाल सुधार गृहमा रहेका बालकहरूलाई सुरक्षित रूपमा भित्र राखिएको छ।”

सामान्यतया ५० जनाको क्षमताको सुधार गृहमा हाल २ सयभन्दा बढी बालकहरू राखिएका कारण व्यवस्थापनमा समस्या देखिएको छ।

अदालतबाट विभिन्न अपराधमा दोषी ठहर भई सुधारका लागि पठाइएका १८ वर्ष मुनिका बालबालिकालाई यस्तो सुधार गृहमा राखिने गरिन्छ। भीडभाडका कारण सुरक्षा र व्यवस्थापनमा चुनौती बढिरहेको बताइएको छ।

×

❮

❯