विराटनगर । विराटनगरको रथयात्रा यस पटक थप विशेष हुने भएको छ । यस पटक विराटनगरबासीले नयाँ निर्माण रथ तान्न पाउने भएका छन् ।
रथयात्राको तयारीबारे आयोजकले सोमबार पत्रकार सम्मेलन गरी विस्कृत जानकारी गराएका छन् । राधाकृष्ण रथयात्रा विराटनगरमा विशेष उत्सव मान्ने गरिएको छ । कृष्ण जन्माष्टमीको भोलिपल्ट (भदौ १ गते) रथयात्रा निकाल्ने गरिएको छ ।
आयोजकका अनुसार नयाँ रथको उचाई २१ फिट ३ ईन्च, चौडाई १४ फिट, लम्बाई १९ फिट र जुवाको भाग ८ फिट रहेको छ ।
विज्ञापन
रथको अग्रभाग जुआबाट १६५ फिट लम्बाईको डोरी दायाँ र त्यति नै बायाँ पट्टि फैलिएको छ । रथ पेगोडा शैलीमा बनाईको छ ।
जसलाई दायाँ पट्ट्िको लट्ठामा पुरूष भक्तजन र बायॉपट्टिको लट्ठामा महिला भक्तजनहरूले लड्ठा समाई रथ तान्न सक्छन् । मध्यभागमा युगलजोडी भगवान् श्रीराधाकृष्णलाई आरोहण गराई ४ जना पंडितजीको समुह, प्राविधिक १ जना, कमिटिको तर्फबाट १ जना गरी ७ जना रथमा रहने छन् । अग्रभागमा विभिन्तन जातजाति, सम्प्रदाय, धर्म एवम् संस्कृति झल्कने झाँकी एवम् भजन मण्डलीहरूको ताँती रहने मन्दिर कार्यसमितिका अध्यक्ष कैलाश रेगमीले जानकारी दिए । उनले भने,‘‘जसले गरिव ३ किलोमिटरको लम्वाई ओगटने छ ।’’
छिमेकी राष्ट्र भारतबाट आएका तथा नेपालका कारिगरले धमाधम रथ निर्माण गरिरहेका छन् । यो पटक रथको रंग काठ रंगको हुने छ ।
यस्तो छ विगत
साम्प्रदायिक सद्भावको प्रतिकको रूपमा स्थापित भएको छ।मन्दिर स्थापना सँगे वि.सं. १९८८ साल देखि युगल जोडी भगवान श्रीराधाकृष्ण आरोहण गराई ‘खटयात्रा’ शुरु भएको थियो । २०२५ सालबाट स्व. भूपालमान सिंह कार्की एवम् स्व. सत्यनारायण धनावतद्वारा भव्य एवम् विशाल रथको निर्माण गरेका थिए ।
महोत्सवमा नेपाल र भारतका सबै जाति, वर्ण र लिङ्Þका गरि करिब ५ लाख श्रद्वालु भक्तजनहरूले प्रत्यक्ष अवलोकन गर्ने आयोजकको दाबी छ ।
४४ स्थानमा हुने छ विश्राम
रथयात्रा तीनपैनी मन्दिरबाट प्रारम्भ भई मेनरोड, ट्राफिक चोक, रोडशेष हुँदे महेन्द्रचोक, धरान रोड, वरगाछी, दुर्गा चौक हुँदे पुनः मन्दिर परिसरमा आई पुग्दा जम्मा ४४ स्थानमा विश्राम गर्दे ९ किलोमिटरको दुरी ६ घण्टाको समयावधिमा तय गर्नेछ ।
रथयात्रा कार्यसमितिका अध्यक्ष कैलाश रेगमीज्यूको अध्यक्षतामा १००१ सदस्यीय मूल समारोह समिति गठन गरी समिति मातहत निम्न १६ वटा उपसमितिहरू गठन भएका छन् । रथयात्रा मध्यान्ह ३ बजेबाट शुरु हुने छ ।
आइतबार, असोज ०४, २०८३
शनिबार, असोज ०३, २०८३
