काठमाडौं । परराष्ट्रमन्त्री शिशिर खनालले संयुक्त राष्ट्रसंघको ८१औँ महासभाका अवसरमा बुधबार न्यूयोर्कमा भारतका विदेशमन्त्री डा. एस. जयशंकरसँग भेटवार्ता गरेका छन्।

भेटका क्रममा परराष्ट्रमन्त्री खनालले नेपालमा हालै आएको विनाशकारी बाढीपछि भारत सरकार र भारतीय जनताले व्यक्त गरेको ऐक्यबद्धता तथा तत्काल उपलब्ध गराएको सहयोगप्रति धन्यवाद व्यक्त गरे।

विज्ञापन

भेटमा नेपाल–भारत सम्बन्धका विविध पक्षका साथै आपसी हितका विषयमा दुवै मन्त्रीबीच विचार आदानप्रदान भएको थियो।

दुवै पक्षले नेपाल र भारतबीच लामो समयदेखि कायम रहेको घनिष्ठ तथा मैत्रीपूर्ण सम्बन्धलाई थप सुदृढ बनाउँदै द्विपक्षीय सहकार्यलाई अघि बढाउने विषयमा जोड दिएका थिए।

×

❮

❯