काठमाडौं । रसुवास्थित ६० मेगावाट क्षमताको त्रिशूली-३ ‘ए’ जलविद्युत् आयोजनाको सुरुङभित्र फसेका दुईजना कर्मचारीलाई शुक्रबार सकुशल उद्धार गरिएको छ।

उद्धार गरिएकाहरूमा सप्तरीका ३० वर्षीय मेकानिकल फोरम्यान सञ्जय साह र काठमाडौंका ४५ वर्षीय मेकानिकल सुपरभाइजर कबीर महर्जन रहेका छन्।

विज्ञापन

ऊर्जा, जलस्रोत तथा सिँचाइमन्त्री विराजभक्त श्रेष्ठको सचिवालयका अनुसार उद्धार गरिएका दुवैजनाको अवस्था सामान्य रहेको छ र उनीहरूलाई थप स्वास्थ्य परीक्षण तथा उपचारका लागि काठमाडौं ल्याउने तयारी भइरहेको छ।

गत भदौ १० गते भोटेकोसी नदीमा आएको भिषण बाढीका कारण उक्त जलविद्युत् आयोजनामा ठूलो क्षति पुगेको थियो। बाढीपछि आयोजनास्थलमा ४२ जना कर्मचारी तथा कामदारहरू फसेका थिए।

×

❮

❯