काठमाडौँ | नेपालका बाढीपीडितलाई सहयोग बलिउड अभिनेता सोनू सूद नेपाल आइपुगेका छन् ।‌

उनी समाजसेवामा समेत उत्तिकै सक्रिय छन् । नेपालका बाढी तथा डुबानबाट प्रभावित परिवारलाई राहत एवम् मानवीय सहयोग पुर्‍याउने उद्देश्यका साथ काठमाडौँ आइपुगेका हुन्। देशका विभिन्न स्थानमा आएको भीषण बाढी र डुबानका कारण समस्यामा परेका पीडितहरूलाई मद्दत गर्न उनी मङ्गलबार काठमाडौँ उत्रिएका हुन्।

विज्ञापन

आफ्नो परोपकारी कार्यका लागि चर्चित अभिनेता सूदले बाढी प्रभावित क्षेत्रहरूमा तत्काल आवश्यक पर्ने खाद्यान्न, त्रिपाल, औषधि र अन्य राहत सामग्रीहरू वितरण गर्ने योजना बनाएका छन्। उनी नेपालका स्थानीय सामाजिक संस्था तथा उद्धार टोलीहरूसँग प्रत्यक्ष समन्वय गर्दै पीडित बस्तीहरूमै पुगेर सहयोग हस्तान्तरण गर्ने तयारीमा रहेका छन्।

विपद्को यस कठिन परिस्थितिमा सोनू सूदको यो कदमले प्रभावित नागरिकहरूलाई ठूलो राहत र सामाजिक हौसला पुग्ने विश्वास लिइएको छ। यसअघि कोरोना महामारीका बेला पनि उनी हजारौँ विपन्न तथा अलपत्र परेका मानिसहरूलाई निःस्वार्थ सहयोग गरेर अन्तर्राष्ट्रिय स्तरमै प्रशंसित बनेका थिए।

×

❮

❯