फ्रान्स । वैज्ञानिक लुभोडिक स्लिम्याक नेतृत्वको अनुसन्धान टोलीले फ्रान्सको गुफामा ४२ हजार वर्ष पुरानो नियान्डरथल मानवको अवशेष फेला पारेको छ। यो महत्वपूर्ण खोजले मानव विकास र नियान्डरथलहरूको अन्त्यबारे नयाँ प्रश्नहरू उठाएको छ।
सन् १९९८ देखि उक्त क्षेत्रमा अनुसन्धान गरिरहेका वैज्ञानिकहरूले सन् २०१५ मा पहिलोपटक नियान्डरथलको जबडाको अंश फेला पारेका थिए। त्यसपछि हरेक वर्ष एउटा दाँत वा हड्डीको टुक्रा भेटिँदै गयो। यसरी संकलित अवशेषहरूबाट वैज्ञानिकहरूले उक्त नियान्डरथल करिब ४२ हजार वर्षअघि बाँचेको निष्कर्ष निकाले।
बिज्ञापन
अनुसन्धानकर्ताले यस नियान्डरथललाई Thorin Oakenshield को नामबाट “थोरिन” नाम दिएका छन्, जुन The Hobbit उपन्यासको पात्र हो। उक्त पात्रजस्तै यो नियान्डरथल पनि आफ्नो वंशको अन्तिम प्रतिनिधि भएको विश्वास गरिएको छ।
थोरिनको जीन (genome) विश्लेषण गर्दा चकित पार्ने तथ्यहरू बाहिर आएका छन्। अध्ययन अनुसार, थोरिनको समूह करिब ५० हजार वर्षसम्म अन्य नियान्डरथल समूहबाट पूर्ण रूपमा अलग रह्यो, जबकि अन्य समूहहरू भौगोलिक रूपमा धेरै टाढा थिएनन्।
यस समूहमा “उच्च आनुवंशिक समानता” (genetic homozygosity) देखिएको छ, जसले नजिकका सदस्यबीच प्रजनन (inbreeding) भएको संकेत गर्छ। साथै, आधुनिक मानव (Homo sapiens) सँग कुनै पनि प्रकारको अन्तरप्रजनन भएको प्रमाण फेला परेन।
Slimak का अनुसार, यस खोजले मानव इतिहास र नियान्डरथलहरूको विलुप्तिबारेको बुझाइलाई पुनःलेखन गर्नुपर्ने देखिएको छ। “यति नजिक रहेका समूहहरू हजारौँ वर्षसम्म अलग कसरी रहे?” भन्ने प्रश्नले वैज्ञानिकहरूलाई नयाँ अनुसन्धानतर्फ धकेलेको छ।
यो खोजले मानव विकासको कथा अझ जटिल र रोचक भएको पुष्टि गरेको छ।
बुधबार, चैत्र १८, २०८२
मंगलबार, चैत्र १७, २०८२
