विराटनगर। नेकपा एमालेको ११ औं महाधिवेशनको प्रतिनिधि छनोटमा कोसी प्रदेश सभाका दुई सदस्य पराजित भएका छन्।

सुनसरीको क्षेत्र नं १ मा कोसी प्रदेश सभाका सांसद रमेशकुमार बस्नेत र विजयकुमार राई पराजित भएका हुन्।

बिज्ञापन

खुल्लातर्फ, आसाराम चौधरी, जयकुमार राई र मुरारी सुवेदी निर्वाचित भएका छन्। निर्वाचित उम्मेदवार सुवेदीले ७९६, राईले ७७६ र चौधरीले ६७४ मत प्राप्त गरे। जबकि पराजित बस्नेतले ३७६ र राईले ३९१ मत मात्र प्राप्त गरेका छन्। यी दुबै सांसद सुनसरी क्षेत्र नं १ अन्तर्गतका प्रदेश सभा सदस्य हुन्—बस्नेत १(१) बाट र राई १(२) बाट निर्वाचित भएका थिए।

धरानमा भएको प्रतिनिधि चयन मतदानमा कुल ४५.४५ प्रतिशत मतदान भएको थियो। धरानका ३ मतदान केन्द्रमा १,७७१ मतदाता रहेका मध्ये ९६६ मतदाताले मात्र मतदान गरेका थिए।

×

❮

❯