विराटनगर । कोशी प्रदेशमा भोलि (कात्तिक २५ गते ) सार्वजनिक विदा दिइएको छ । महागुरु फाल्गुनन्द जयन्तीको अवसरमा प्रदेश सरकारले हरेक वर्ष सार्वजनिक विदा दिने गरेको छ ।

यस सम्बन्धी विवरण प्रदेश राजपत्रमा समेत उल्लेख छ । विदाका अवसरमा प्रदेशभरका सरकारी कार्यालय, सार्वजनिक संस्था तथा शिक्षण संस्थामा बिदा हुने छन् । अहिंसाका पूजारी तथा किराँत धर्मगुरुका प्रवर्तक महागुरु फाल्गुनन्दलाई मानिन्छ ।

बिज्ञापन

जन्मजयन्तीका अवसरमा किराँतहरुको धार्मिक स्थल इलामको लारुम्बा लगायत क्षेत्रमा विशेष कार्यक्रम आयोजना हुने गरेको छ ।
महागुरु फाल्गुनन्द राष्ट्रिय विभूति पनि हुन । उनको जन्म वि.सं १९४२ कात्तिक २५ गते इलाममा एक सामान्य किसान परिवारमा भएको थियो।

समाज सुधारक उनले किराँत भाषा, लिपि, संस्कार र संस्कृति संरक्षणमा अग्रणी भूमिका निर्वाह गरेका थिए ।

समानता, सत्य, अहिंसा र मौलिक संस्कृतिको संरक्षणमा जोड दिएका कारण नेपाल सरकारले उनलाई सम्मान स्वरुप राष्ट्रिय विभूति घोषणा गरेको हो ।

×

❮

❯