विराटनगर । भारत र पाकिस्तानबीचको बढ्दो राजनीतिक तथा सैन्य तनावका कारण एक साताका लागि स्थगित गरिएको इन्डियन प्रिमियर लिग (आईपीएल) शनिबारदेखि पुनः सुरु हुने भएको छ।

आयोजक बीसीसीआईले जारी गरेको आधिकारिक वक्तव्यअनुसार स्थिति नियन्त्रणमा आइसकेको र खेल सुरक्षापूर्वक सञ्चालन गर्न सकिने वातावरण बनेकाले आईपीएल पुनः सञ्चालन गर्न लागिएको हो।

बिज्ञापन

गत सातादेखि रोकिएको खेल तालिका अनुसार अब बाँकी खेलहरू पहिल्यै तय गरिएका मिति र स्थानमै सञ्चालन हुनेछन्। खेलाडी, समर्थक तथा समावेश टिमहरूलाई आवश्यक सुरक्षा व्यवस्था मिलाइने आयोजकले जनाएको छ।

बीसीसीआईका एक उच्च अधिकारीले भने, “हामीले सम्पूर्ण सुरक्षा निकायसँग समन्वय गरेर निर्णय गरेका छौं। खेलाडीहरूको सुरक्षा हाम्रो पहिलो प्राथमिकता हो।”

आईपीएल स्थगनले टिमहरूको तालिम, रणनीति र मनोबलमा असर परे पनि अधिकांश टिमहरूले पुनः तयारी थालेका छन्। दर्शकहरू पनि पुनः खेल सुरु हुने समाचारले उत्साहित देखिएका छन्।

अबको खेलहरूमा दर्शकको उपस्थिति सीमित हुने वा नहुने भन्ने विषयमा भने थप निर्णय लिने तयारी भइरहेको छ। आयोजकले सबैलाई संयम र समर्थन गर्न अपिल गरेका छन्।

×

❮

❯