काठमाडौं । गृहमन्त्री ओमप्रकाश अर्यालले नेकपा एमाले अध्यक्ष तथा पूर्वप्रधानमन्त्री केपी शर्मा ओलीले जाँचबुझ आयोगको अस्तित्व अस्वीकार गरे कानुनी दायरामा ल्याइने स्पष्ट गरेका छन्।

अनलाइनखबरलाई दिएको विस्तृत अन्तर्वार्तामा गृहमन्त्री अर्यालले ओली ‘सुपर सिटिजन’ होइन भन्ने टिप्पणी गर्दै कानुन सबैका लागि बराबर हुने बताएका छन्।

‘पूर्वराजाले आफैंलाई “पूर्वराजा” भनेर चिनाउनुहुन्छ, त्यस्तो ऐतिहासिक भूमिकामा रहेका व्यक्तिलाई पनि सामान्य नागरिकको रूपमा स्वीकार गरिएको छ,’ मन्त्री अर्यालले भने, ‘अब ओलीज्यूलाई कानुनभन्दा माथि छु भन्ने लागेको होला, तर कानुनको दायरामा ल्याइन्छ। उहाँले जाँचबुझ आयोगको अस्तित्व अस्वीकार गर्नुभयो भने पनि कानुनले उहाँलाई ठाउँमा ल्याउँछ।’

×

❮

❯