शेयर बजार

निर्जीवन बीमकहरुको बीमाशुल्क आर्जन बढ्यो, सबैभन्दा बढी कसको ?

नोट: यो समाचार १ महिना अघिको हो

शुक्रबार, भाद्र १३, २०८२ | अपराह्न ३:३४ बजे

निर्जीवन बीमकहरुको बीमाशुल्क आर्जन बढ्यो, सबैभन्दा बढी कसको ?

काठमाण्डौ । चालु आवको पहिलो महिनामा निर्जीवन बीमकहरुको बीमाशुल्क आर्जन सामान्य बढेको छ । साउन महिनामा निर्जीवन बीमा कम्पनीहरुले ४ अर्ब ३१ करोड रुपैयाँबराबरको खुद बीमाशुल्क आर्जन गरेका छन् । यो रकम अघिल्लो आवको सोही अवधिको तुलनामा १.३५ प्रतिशतले माबै बढी हो ।

अघिल्लो आवको साउन महिनामा निर्जीवन बीमकहरुले ४ अर्ब २६ करोड रुपैयाँबराबरको खुद बीमाशुल्क आर्जन गरेका थिए ।

बिज्ञापन

चालु आवमा सगरमाथा लुम्बिनी इन्स्योरेन्स कम्पनीले सबैभन्दा बढी बीमाशुल्क आर्जन गरेको छ । यो कम्पनीले एक महिनाको अवधिमा ४५ करोड ५४ लाख रुपैयाँबराबरको प्रिमियम संकलन गरेको छ । दोस्रो स्थानमा सिद्धार्थ प्रिमियर इन्स्योरेन्स रहेको छ । कम्पनीले साउन महिनामा ४१ करोड ७९ लाख रुपैयाँबराबरको खुद बीमाशुल्क आर्जन गरेको छ ।

सूचीको तेस्रो स्थानमा शिखर इन्स्योरेन्स रहेको छ । कम्पनीले ४१ करोड ५५ लाख रुपैयाँबराबरको प्रिमियम भित्राएको छ ।

यसैगरी नेपाल इन्स्योरेन्सले २० करोड ७१ लाख , ओरियन्टल इन्स्योरेन्सले ४१ करोड ३७ लाख, राष्ट्रिय बीमा कम्पनीले १६ करोड २७ लाख, नेशनल इन्स्योरेन्स २६करोड ६ लाख, नेको इन्स्योरेन्सले ३२ करोृड १ लाख, प्रभु इन्स्योरेन्सले १२ करोड ७१ लाख, एनएलजी इन्स्योरेन्सले ३४ करोड ४१ लाख, हिमालयन एभेरेष्टले ३६ करोड ५२ लाख, सानिमा जिआईसीले २२ करोड ३६ लाख, आईजीआई प्रडेन्सियलले ३३ करोड ८१ लाख र युनाइटेड इन्स्योरेन्सले २७ करोड ६७ लाख बीमाशुल्क आर्जन गरेका छन् ।

*** समाप्त ***