सुरुङ्गा । झापा जिल्लाको कनकाई नगरपालिका–३, सुरुङ्गा बजार क्याम्पस रोडस्थित एक घर डेरामा आज बिहान ग्यास सिलिण्डर विस्फोट हुँदा आगलागी भएको छ। आगलागीबाट घरका सबै सामान जलेर पूर्णरूपमा नष्ट भएको छ भने ८१ वर्षीया बाटुलिमाया दाहाल गम्भीर घाइते भएकी छन्।

प्रहरीका अनुसार बिहान करिब ६:३० बजे बाटुलिमाया दाहालको डेरामा ग्यास सिलिण्डर लिक भएर आगलागी भएको हो। आगो लागेपछि उनकाे शरीरको करिब ३० प्रतिशत भाग जलेको छ। अहिले उनको उपचार प्रदेशिक अस्पताल भद्रपुरमा भइरहेको प्रहरीले जनाएको छ।

आगलागी नियन्त्रणका लागि शिवसताक्षि नगरपालिका, बिर्तामोड नगरपालिका र सुरुङ्गा नगरपालिकाका दमकलहरू, स्थानीय प्रहरी, पत्रकार र स्थानवासीहरूको सहकार्यमा आगो नियन्त्रणमा लिइएको हो।

आगलागीबाट भएको क्षतिको विस्तृत विवरण संकलन कार्य भइरहेको सुरुङ्गा प्रहरी स्रोतले जनाएको छ।

×

❮

❯