काठमाडौं । मन्त्रिपरिषद बैठकले आज मध्यरातीदेखि लागु हुने करका दर पारित गरेको छ । बिहीबार अर्थ मन्त्रालयको प्रस्तावमा मन्त्रिपरिषदले करका दरहरु फेरेको हो ।

अपराह्न फरेका केही करका दर मध्यरातीदेखि लागु हुन्छन् । बिहीबारै मन्त्रिपरिषले आव २०८२/८३ को बजेट अनुमोदन गरेको छ । बजेटसँगै क्याबिटनेले २०१२ सालमा बनेको सामयिक कर असुली ऐनअनुसार मध्यरातीदेखि लागु हुने करका दर पारित गरेको हो ।

बिज्ञापन

करका दर फेर्ने मन्त्रिपरिषदको निर्णयलाई सूचीत आदेश भनिन्छ । सामयिक कर असुली ऐनअनुसार सरकारले कर लगाउने बढाउने निर्णय गर्नुपरे सूचित आदेश जारी गर्छ ।
भन्सार महसु वा अन्तःशुल्क वा अन्य कुनै पनि करको दर हेरफेर गर्न ऐनको दफा ३ को सहयोग लिइन्छ । यो व्यवस्थाअनुसार जारी गरेको सूचीत आदेश ६ महिना कायम रहनेछ

मन्त्रिपरिषदको बैठकले करको दर हेरफेर गर्न लागु हुने मितिसमेत तोकेर सूचित आदेश जारी गर्न सक्छ । सोही व्यवस्थाअनुसार बजेट भाषण हुने दिन मध्यरातिदेखि आर्थिक विधेयकले तोकेअनुसारको करको दल लगाइन्छ । यसरी लगाइएको कर ६ महिना वा सूचित आदेशको बेहोरा कानुन भइ लागु भएमा वा खारेज गरेमा निष्क्रिय हुनेछ ।

मन्त्रिपरिषदको वैठकले जारी गरेको सो सूचीत आदेश आर्थिक विधेयक ऐन बनेर लागु नहुञ्जेलसम्मका लागि कायम हुन्छ । यद्यपि, सूचीत आदेशले आर्थिक विधेयकका सबै व्यवस्था समेटेको हुँदैन ।

सूचीत आदेशले हेरफेर गरेको करका दरमात्र आज मध्यरातीदेखि लागु हुनेछ ।

×

❮

❯