विराटनगर । सरकारले जनकपुरलाई विवाह गन्तव्यका रूपमा विकास गर्ने घोषणा गरेको छ ।

अर्थमन्त्री स्वर्णिम वाग्ले ले शुक्रबार आगामी आर्थिक वर्ष २०८३/८४ को बजेट प्रस्तुत गर्दै पर्यटन प्रवर्द्धनका लागि विभिन्न नयाँ कार्यक्रम अघि सारिएको जानकारी दिएका हुन् ।

बिज्ञापन

बजेटमार्फत सरकारले हिल स्टेशन प्रवर्द्धन कार्यक्रम सञ्चालन गर्ने घोषणा गरेको छ । साथै जनकपुर र तिलौराकोटलाई विश्व सम्पदा सूचीमा सूचीकृत गराउन पहल गरिने पनि जनाइएको छ ।

यस्तै, चतरालाई प्रादेशिक पर्यटकीय क्षेत्रका रूपमा विकास गरिने भएको छ । उच्च पहाडी पर्यापर्यटन प्रवर्द्धनका लागि डाँफे रुट विकास गरिने अर्थमन्त्री वाग्लेले बताए ।

सरकारले तीनजुरे क्षेत्रमा पदमार्ग निर्माण गर्ने योजना पनि अघि सारेको छ । पर्यटन क्षेत्रको पूर्वाधार विकास र आन्तरिक तथा बाह्य पर्यटक आकर्षण बढाउने लक्ष्यसहित कार्यक्रम ल्याइएको सरकारले जनाएको छ । पर्यटन क्षेत्रका लागि सात अर्ब बजेट विनियोजन गरिएको छ ।

×

❮

❯