काठमाडौं । सप्तकोशी नदीको बीच भागमा रहेको टापुबाट सशस्त्र प्रहरीले ठूलो परिमाणमा गाँजा बरामद गरेको छ।

सशस्त्र प्रहरी बलका अनुसार सुनसरीको बराहक्षेत्र नगरपालिका–६ र उदयपुरको बेलका नगरपालिका–८ बीच सप्तकोशी नदीको टापुमा लुकाइ राखिएको १६ बोरा गाँजा बरामद गरिएको हो।

बिज्ञापन

सशस्त्र प्रहरीका प्रवक्ता विष्णुप्रसाद भट्ट का अनुसार विशेष सूचनाको आधारमा सशस्त्र प्रहरी बल नेपाल विपद् व्यवस्थापन बेस चतराबाट इन्स्पेक्टर मेघराज राउत र सुरक्षा बेस रामपुरका इन्स्पेक्टर राजविक्रम खड्का को कमाण्डमा खटिएको टोलीले उक्त गाँजा बरामद गरेको हो।

नदीको बीच टापुमा गाँजा लुकाइएकाले टोलीले र्‍याप बोट प्रयोग गरेर गाँजा बाहिर निकालेको थियो। बरामद गरिएको करिब ४७५ किलोग्राम गाँजा आवश्यक कारबाहीका लागि सम्बन्धित निकायमा बुझाइएको सशस्त्र प्रहरीले जनाएको छ।

×

❮

❯